Šahmanović: Odavno nisam član BS

0
610

Aktuelni gradonačelnik Plava i nekadašnji visoki funkcioner Bošnjačke stranke, Orhan Šahmanović, kaže da BS više ne smatra svojom partijom, te će na lokalnim izborima u ovom gradu nastupiti sa nezavisnom listom građana pod nazivom “Biram Plav”. Šahmanović za CdM kaže da listu čine Albanci i Bošnjaci.

Šahmanović navodi da nijesu tačni nedavni pojedini medijski napisi da je izbačen iz Bošnjačke stranke.

” Nisam izbačen. Odavno sam je napustio. Ne smatram više BS mojom partijom. Zamrzao sam članstvo. Ukoliko se promijeni politika stranke možda se vratim. Ja sam osnivač te stranke, nemam potrebe da bilo kome podnosim ostavku”, smatra on.

Na pitanje kakav je odnos Bošnjačke stranke prema njemu, Šahmanović ima jasan odgovor.

“Ne znam i ne zanima me”, istakao je on za CdM.

M.D.